24 փետրվարի 2016թ.

ՀՀ սահմանադրական դատարանի որոշումը

«ԻՆՖՈՐՄԱՑԻԱՅԻ ԱԶԱՏՈՒԹՅԱՆ ԿԵՆՏՐՈՆ» ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆ ԴԻՄՈՒՄԻ ՀԻՄԱՆ ՎՐԱ՝ «ԳՈՒՅՔԻ ՆԿԱՏՄԱՄԲ ԻՐԱՎՈՒՆՔՆԵՐԻ ՊԵՏԱԿԱՆ ԳՐԱՆՑՄԱՆ ՄԱՍԻՆ» ՀՀ ՕՐԵՆՔԻ 71-ՐԴ ՀՈԴՎԱԾԻ՝ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐՈՒԹՅԱՆԸ ՀԱՄԱՊԱՏԱՍԽԱՆՈՒԹՅԱՆ ՀԱՐՑԸ ՈՐՈՇԵԼՈՒ ՎԵՐԱԲԵՐՅԱԼ ԳՈՐԾՈՎ

24 փետրվարի 2016թ.

ՀՀ սահմանադրական դատարանի նիստերի ժամանակացույց 2016թ. փետրվարի 24-ի դրությամբ

23 փետրվարի 2016թ.

ԱՅՍՕՐ ՀՀ ՍԱՀՄԱՆԱԴՐԱԿԱՆ ԴԱՏԱՐԱՆՈՒՄ

Փետրվարի 23-ին ՀՀ սահմանադրական դատարանը, «ԻՆՖՈՐՄԱՑԻԱՅԻ ԱԶԱՏՈՒԹՅԱՆ ԿԵՆՏՐՈՆ» ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆ ԴԻՄՈՒՄԻ ՀԻՄԱՆ ՎՐԱ քննության առավ «ԳՈՒՅՔԻ ՆԿԱՏՄԱՄԲ ԻՐԱՎՈՒՆՔՆԵՐԻ ՊԵՏԱԿԱՆ ԳՐԱՆՑՄԱՆ ՄԱՍԻՆ» ՀՀ ՕՐԵՆՔԻ 71-ՐԴ ՀՈԴՎԱԾԻ՝ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐՈՒԹՅԱՆԸ ՀԱՄԱՊԱՏԱՍԽԱՆՈՒԹՅԱՆ ՀԱՐՑԸ ՈՐՈՇԵԼՈՒ ՎԵՐԱԲԵՐՅԱԼ ԳՈՐԾԸ

Ելնելով քործի քննության արդյունքներից, ՀՀ սահմանադրական դատարանը որոշեց.

1. «Գույքի նկատմամբ իրավունքների պետական գրանցման մասին» Հայաստանի Հանրապետության օրենքի 71-րդ հոդվածը և դրա հետ համակարգային առումով փոխկապակցված 32-րդ հոդվածի 2-րդ մասը ճանաչել Հայաստանի Հանրապետության Սահմանադրության 34, 51, 78, 79 և 80-րդ հոդվածներին հակասող, այնքանով, որ տարբերակված մոտեցում չեն սահմանում, երբ տեղեկատվությունը վերաբերում է անձի՝ իր մասին հայցվող տեղեկությանը, ինչպես նաև տեղեկատվության ազատության` օրենքով սահմանված երաշխիքների իրացմանը:

2. Հաշվի առնելով իրավական անվտանգությունը չխաթարելու անհրաժեշտությունը` Հայաստանի Հանրապետության Սահմանադրության 102-րդ հոդվածի 3-րդ մասի և «Սահմանադրական դատարանի մասին» Հայաստանի Հանրապետության օրենքի 68-րդ հոդվածի 15-րդ մասի հիման վրա սույն որոշմամբ Հայաստանի Հանրապետության Սահմանադրությանը հակասող ճանաչված իրավանորմերի ուժը կորցնելու վերջնաժամկետ սահմանել 2016 թվականի նոյեմբերի 1-ը՝ հնարավորություն տալով Հայաստանի Հանրապետության Ազգային ժողովին և Հայաստանի Հանրապետության կառավարությանը՝ իրենց իրավասության շրջանակներում, «Գույքի նկատմամբ իրավունքների պետական գրանցման մասին» Հայաստանի Հանրապետության օրենքի և դրա հետ համակարգային առումով փոխկապակցված այլ օրենքների ու նորմատիվ իրավական ակտերի իրավակարգավորումները համապատասխանեցնելու սույն որոշման պահանջներին` հաշվի առնելով իրավունքների սահմանափակման առնչությամբ 2015թ. սահմանադրական փոփոխություններով ամրագրված նոր հստակեցումները։

3. Հայաստանի Հանրապետության Սահմանադրության 102-րդ հոդվածի երկրորդ մասի համաձայն սույն որոշումը վերջնական է եւ ուժի մեջ է մտնում հրապարակման պահից։

ՀՀ ՍԴ մամուլի ծառայություն

18 փետրվարի 2016թ.

2016 թվականի փետրվարի 26-27-ին Տյումեն քաղաքում կայանալիք` «Ազգամիջյան հարաբերությունների ներդաշնակման իրավական տեսակետները» միջազգային ֆորումին ՀՀ ՍԴ նախագահ Գ.Գ. Հարությունյանի զեկույցի տեքստը:
Շնորհանդես ppt, ռուսերեն, 1.5 mb

17 փետրվարի 2016թ.

ՀՀ սահմանադրական դատարանի որոշումը

ՌՈԲԻՆ-ՕՖԻԿ ՕՍԿԱՆՅԱՆԻ ԴԻՄՈՒՄԻ ՀԻՄԱՆ ՎՐԱ՝ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՐԵԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔԻ 376.1-ՐԴ ՀՈԴՎԱԾԻ 4-ՐԴ ՄԱՍԻ՝ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐՈՒԹՅԱՆԸ ՀԱՄԱՊԱՏԱՍԽԱՆՈՒԹՅԱՆ ՀԱՐՑԸ ՈՐՈՇԵԼՈՒ ՎԵՐԱԲԵՐՅԱԼ ԳՈՐԾՈՎ

10 փետրվարի 2016թ.

ՀՀ սահմանադրական դատարանի որոշումը

ԿԱՐԵՆ ՀԱՐՈՒԹՅՈՒՆՅԱՆԻ, ԱՐՏԱԿ ԳԵՎՈՐԳՅԱՆԻ, ԴԱՎԻԹ ՀԱՐՈՒԹՅՈՒՆՅԱՆԻ, ՎԱՐՏԳԵԶ ԳԱՍՊԱՐԻԻ ԴԻՄՈՒՄՆԵՐԻ ՀԻՄԱՆ ՎՐԱ՝ ՀՀ ՎԱՐՉԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔԻ 156-ՐԴ ՀՈԴՎԱԾԻ 1-ԻՆ ԵՎ 5-ՐԴ ՄԱՍԵՐԻ, 160-ՐԴ ՀՈԴՎԱԾԻ 1-ԻՆ ՄԱՍԻ 1-ԻՆ ԿԵՏԻ՝ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐՈՒԹՅԱՆԸ ՀԱՄԱՊԱՏԱՍԽԱՆՈՒԹՅԱՆ ՀԱՐՑԸ ՈՐՈՇԵԼՈՒ ՎԵՐԱԲԵՐՅԱԼ ԳՈՐԾՈՎ

8 փետրվարի 2016թ.

«Արմենիա» հեռուստաընկերության՝ փետրվարի 7-ի «Բանաձեւ» հաղորդումը նվիրված էր ՀՀ սահմանադրական դատարանի կազմավորման 20-ամյակին:
[MP4, 134Mb, https://www.youtube.com/watch]

ՀՀ ՍԴ մամուլի ծառայություն

5 փետրվարի 2016թ.

ՀՀ ՍԱՀՄԱՆԱԴՐԱԿԱՆ ԴԱՏԱՐԱՆԸ 20 ՏԱՐԵԿԱՆ Է

Փետրվարի 5-ին Կառավարության ընդունելությունների տանը, ՀՀ Նախագահ Սերժ Սարգսյանի մասնակցությամբ, կայացավ ՀՀ սահմանադրական դատարանի կազմավորման 20-ամյակին նվիրված հանդիսություն։ Ողջունելով հյուրերին, ՀՀ սահմանադրական դատարանի նախագահ Գ. Հարությունյանը հակիրճ ներկայացրեց Սահմանադրական դատարանի ստեղծման անհրաժեշտությունն ու կառույցի անցած 20-ամյա ճանապարհը։ (Տեղեկատվության վերջում պարոն Հարությունյանի ելույթը ներկայացվում է ամբողջությամբ)։

Հանդիսությանը մասնակցում էին՝ ՀՀ ԱԺ նախագահ Գալուստ Սահակյանը, ՀՀ վարչապետ Հովիկ Աբրահամյանը, ՀՀ արտաքին գործերի նախարար Էդվարդ Նալբանդյանը, ՀՀ ԱԺ փոխխոսնակ Հերմինե Նաղդալյանը, խմբակցությունների ղեկավարներ, հանձնաժողովների նախագահներ, պատգամավորներ, ՀՀ կառավարության անդամներ։

Իրենց մասնակցությունն էին բերել ՀՀ-ում հավատարմագրված դիվանագիտական ներկայացուցչությունների ղեկավարներ։ Վերջիններիս բաժանվեց անգլերեն եւ ռուսերեն լեզուներով Գ. Հարությունյանի ելույթի տեքստը։

Ներկաներին բաժանվեցին ՀՀ ՍԴ-ի նոր հրատարակություններ՝ Գ. Հարությունյանի «Սահմանադրական մշտադիտարկում» գիրքը՝ հայերեն, անգլերեն, ռուսերեն լեզուներով, ՀՀ ՍԴ-ի տարեկան հաղորդումը՝ «ՍԴ ընդունած որոշումների կատարման վիճակի վերաբերյալ», «Конституционное правосудие» ամսագիրը, «Ալմանախ» քառալեզու տարեգիրքը։

ՀՀ սահմանադրական դատարանի ստեղծման 20-ամյակի հանդիսությանը ՀՀ ՍԴ նախագահ Գ. Հարությունյանի ելույթի տեքստը։

ՀՀ ՍԴ մամուլի ծառայություն

Լուսանկարներ 1 | 2 | 3

5 փետրվարի 2016թ.

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՆԱԽԱԳԱՀ ԲԱԿՈ ՍԱՀԱԿՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀՀ ՍԱՀՄԱՆԱԴՐԱԿԱՆ ԴԱՏԱՐԱՆԻ ԿԱԶՄԱՎՈՐՄԱՆ 20-ԱՄՅԱԿԻ ԿԱՊԱԿՑՈՒԹՅԱՄԲ

Գալուստ Սահակյանը շնորհավորական ուղերձ է հղել ՀՀ սահմանադրական դատարանի ստեղծման 20-ամյակի առթիվ

ՀՀ ԱԺ նախագահի շնորհավորական ուղերձում ասվում է.

«Շնորհավորում եմ Հայաստանի Հանրապետության սահմանադրական դատարանի անդամներին եւ աշխատակազմին` սահմանադրական դատարանի ստեղծման 20-ամյակի առթիվ:

Սահմանադրական դատարանի գործունեությունը սկիզբ դրեց հայրենական սահմանադրական արդարադատությանը` նպաստելով ժողովրդավարության եւ օրինականության ամրապնդմանը մեր երկրում: Սակայն Սահմանադրական դատարանը, ի տարբերություն մյուս դատարանների, չստացավ որեւէ ժառանգություն, որովհետեւ չուներ իրեն նախորդող նմանատիպ ատյան եւ ստիպված էր գործունեությունն սկսել մաքուր թղթից: Ի պատիվ նրա, պետք է ասել, որ արդեն 20 տարի Սահմանադրական դատարանն այդ թղթի վրա թողնում է ուրույն, մնայուն ձեռագիր, որը բարձր է գնահատվել նաեւ միջազգային կառույցների ու միջազգային գործընկերների կողմից:

Այսօր, ի դեմս Սահմանադրական դատարանի, Հայաստանում ունենք կարեւորագույն մի ինստիտուտ, որն իսկապես պաշտպանում է սահմանադրությամբ հաստատված ժողովրդավարական ու պետական կարգը եւ, որ ամենակարեւորն է, քաղաքացու եւ մարդու իրավունքներն ու ազատությունները: Սահմանադրական դատարանն իր ամուր եւ հստակ տեղն է զբաղեցնում պետական իշխանության համակարգում` չմտնելով որեւէ այլ ճյուղի իրավասության մեջ եւ չհավակնելով փոխարինել նրանցից որեւէ մեկին, միաժամանակ, ի զորու լինելով իր որոշումներով ազդել նրանց գործունեության վրա: Այս ատյանին դիմում են թե' քաղաքացիներ, թե' քաղաքական գործիչներ, դիմում են տարբեր, այդ թվում եւ քաղաքական բնույթի հարցերով, սակայն դրանք բոլորն էլ լուծվում են միայն իրավական ճանապարհով եւ իրավական միջոցներով:

Իհարկե, հասարակությունը միշտ էլ ավելի շատ բան է ակնկալում Սահմանադրական դատարանի որոշումներից: Բայց վերջինս մշտապես առաջնորդվում է օրենքով ու իր լիազորություններով` երբեք դուրս չգալով դրանց սահմաններից, չտրվելով զգացմունքների ու պատեհապաշտության:

Սահմանադրական արդարադատությունն օժտված է առանձնահատուկ պատասխանատվությամբ, որովհետեւ Սահմանադրական դատարանի ընդունած որոշումները պարտադիր լինելով իշխանության բոլոր մարմինների ու պաշտոնատար անձանց համար, կարող են ազդել ոչ թե մեկ կամ մի քանի մարդկանց, այլեւ բնակչության ամբողջական շերտերի, եւ նույնիսկ ամբողջ ժողովրդի ու պետության ճակատագրի վրա: Հետեւաբար, Սահմանադրական դատարանի պատասխանատու գործունեությունը պահանջում է նրա անդամների մասնագիտական բարձր պատրաստվածություն, խոր գիտելիքներ, արժանապատիվ պահվածք, հաճախ նաեւ քաղաքացիական խիզախություն:

Եւս մեկ անգամ շնորհավորելով Սահմանադրական դատարանին ստեղծման 20-րդ տարեդարձի առթիվ` մաղթում եմ հաջողություններ եւ հաստատակամություն մեր պետականության ամրապնդման, քաղաքացիների իրավունքների եւ շահերի պաշտպանության պատասխանատու գործունեության մեջ»:

http://www.parliament.am/news.php?cat_id=2&NewsID=8110&year=2016&month=02&day=05&lang=arm

ՀՀ ՎԱՐՉԱՊԵՏ ՀՈՎԻԿ ԱԲՐԱՀԱՄՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՍԱՀՄԱՆԱԴՐԱԿԱՆ ԴԱՏԱՐԱՆԻ ՍՏԵՂԾՄԱՆ 20-ԱՄՅԱԿԻ ԱՌԹԻՎ

4 փետրվարի 2016թ.

ՀՀ սահմանադրական դատարանի որոշումը

ՀՀ ԳԼԽԱՎՈՐ ԴԱՏԱԽԱԶԻ ԴԻՄՈՒՄՆԵՐԻ ՀԻՄԱՆ ՎՐԱ՝ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՐԵԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔԻ 53-ՐԴ ՀՈԴՎԱԾԻ 1-ԻՆ ՄԱՍԻ 1-ԻՆ ԵՎ 3-ՐԴ ԿԵՏԵՐԻ, 2-ՐԴ ՄԱՍԻ 1-ԻՆ ԵՎ 2-ՐԴ ԿԵՏԵՐԻ, 57-ՐԴ ՀՈԴՎԱԾԻ 2-ՐԴ ՄԱՍԻ 4-ՐԴ ԿԵՏԻ՝ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐՈՒԹՅԱՆԸ ՀԱՄԱՊԱՏԱՍԽԱՆՈՒԹՅԱՆ ՀԱՐՑԸ ՈՐՈՇԵԼՈՒ ՎԵՐԱԲԵՐՅԱԼ ԳՈՐԾՈՎ

1 փետրվարի 2016թ.

ՀԱՆԴԻՊՈՒՄՆԵՐ ԵՎՐԱԽՈՐՀՐԴՈՒՄ

Ս. թ. հունվարի 24-ին Մարդու իրավունքների եվրոպական դատարանի նախագահի հրավերով ՀՀ սահմանադրական դատարանի նախագահ, Եվրոպայի խորհրդի Վենետիկի հանձնաժողովի բյուրոյի անդամ պրն. Գագիկ Հարությունյանի գլխավորած պատվիրակությունը Ստրասբուրգում մասնակցել է Մարդու իրավունքների եվրոպական դատարանի 2016թ. դատական տարվա հանդիսավոր բացման արարողությանը եւ ունեցել է մի շարք պաշտոնական հանդիպումներ...