Femida The Constitutional Court of the Republic of Armenia Herb
[go home] [site map] [contact us] [add to favorites]
[russian version] ռուս [english version] անգ

 

Որոնման համակարգ Google
www concourt.am

 

ՍԴ կառուցվածքը

arrowՍԴ նախագահ
arrowՍԴ անդամներ
arrowԱշխատակազմի ղեկավար
arrowՍԴ խորհրդականներ
arrowԱրձանագրային վարչություն
arrowԻրավախորհրդատվական ծառայություն (վարչություն)
arrowՀաշվապահական հաշվառման եւ ֆինանսական վարչություն
arrowԱնհատական դիմումների վերլուծության բաժին
arrowԱրտաքին կապերի բաժին
arrowԴիմումների ընդունման բաժին
arrowԸնդհանուր բաժին
arrowԹարգմանչական-հրատարակչական բաժին
arrowՄիջազգային պայմանագրերի բաժին
arrowՏեղեկատվական եւ համակարգչային սպասարկման բաժին
arrowՓորձագիտական-վերլուծական բաժին
arrowՀամակարգչային օպերատորական խումբ
arrowԳրադարան
arrowՏնտեսական ծառայություն
arrowԱնցագրային
arrowՄամլո քարտուղար
arrowԿադրերի տեսուչ

 

 

ՌԱՖԱՅԵԼ ԱՇՈՏԻ ՊԱՊԱՅԱՆ
ՀՀ սահմանադրական դատարանի նախկին անդամ (1997-2010թթ.)

[Papayan's photo]

Ռաֆայել Պապայանը ծնվել է 1942 թ. դեկտեմբերի 22-ին, դրամատուրգ Արամաշոտ Պապայանի ընտանիքում:

1965թ. ավարտել է Երեւանի Վ.Բրյուսովի անվան ռուսաց եւ օտար լեզուների պետական մանկավարժական ինստիտուտը:

1965-1967թթ. աշխատել է Աշտարակի շրջանի Ուջան գյուղում ուսուցիչ:

1967-1968թթ. Երեւանի Վ.Բրյուսովի անվան ինստիտուտի ռուս գրականության ամբիոնի լաբորանտ էր, իսկ 1969թ.՝ Երեւանի պետհամալսարանի գրական կապերի կաբինետում որպես լաբորանտ:

1969-1971թթ. եղել է Տարտուի (Դորպատի) համալսարանի ասպիրանտ:

1972թ. Տարտուի համալսարանում պաշտպանել է թեկնածուական թեզ:

1972-1980թթ. եղել է Երեւանի պետհամալսարանի դասախոս, այնուհետեւ՝ դոցենտ:

1981-1982թթ. աշխատել է Երեւանի պետհամալսարանի հայագիտության լաբորատորիայում որպես ավագ գիտաշխատող:

1975թ. Հայկական Հելսինկյան խմբի կազմավորման նախաձեռնողներից եւ կազմակերպիչներից է (լեգալ գործող հասարակական կազմակերպություն, որը զբաղվում էր Խորհրդային Հայաստանում մարդու իրավունքների ոտնահարումների բացահայտումով եւ հրապարակումով):

1982-1987թթ. եղել է քաղբանտարկյալ (Մորդովիայի խիստ ռեժիմի գաղութում, դատապարտվել է «Հակասովետական ագիտացիա եւ պրոպագանդա» մեղադրանքով՝ 4 տարի ազատազրկման, հետագա 2 տարի աքսորով, ազատվել է վաղաժամկետ՝ գորբաչովյան բարեփոխումների շրջանակում):

1987-1988թթ.՝ գործազուրկ:

1989թ.՝ Մարդու իրավունքների հայկական լիգայի հիմնադիր եւ նախագահ:

1989թ. եղել է Երեւանի պետական կոնսերվատորիայի հայագիտության ամբիոնի հիմնադիրը եւ վարիչը:

1990-1995թթ. եղել է Հայաստանի Գերագույն խորհրդի պատգամավոր, Մարդու իրավունքների մշտական հանձնաժողովի նախագահ, ԳԽ Նախագահության անդամ:

1992-ից Մայր Աթոռ Ս.Էջմիածնի Գերագույն Հոգեւոր Խորհրդի անդամ է:

1994-1997թթ. եղել է Ուղղափառության միջպառլամենտական վեհաժողովի քարտուղարության անդամ:

1995թ. հունիսի 14-ին պարգեւատրվել է Ռուս Ուղղափառ Եկեղեցու՝ Սուրբ Բարեպաշտ իշխան Դանիել Մոսկովյանի «За труды во славу Святой Церкви» շքանշանով (Մոսկվայի եւ Համայն Ռուսիո Պատրիարք Ալեքսի Բ-ի հրամանագիր, 1995, հունիսի 14):

1995-1997թթ. եղել է Հայաստանի Հանրապետության Ազգային Ժողովի պատգամավոր, գիտության, կրթության եւ մշակույթի մշտական հանձնաժողովի նախագահ:

1997 թվականից ՀՀ սահմանադրական դատարանի անդամ է:

1998թ. ստացել է Դատավորի որակավորման բարձրագույն դաս (ՀՀ Նախագահի թիվ ՆՀ-29 հրամանագիր, 1998, ապրիլի 23):

2003թ. օգոստոսի 15-ին պարգեւատրվել է Հայաստանյայց Առաքելական Սուրբ Եկեղեցու «Սուրբ Ներսես Շնորհալի» շքանշանով (Գարեգին Բ Ամենայն Հայոց Կաթողիկոսի թիվ 180 Կոնդակ, 2003, օգոստոսի 15):

Հեղինակ է բազմաթիվ աշխատությունների՝ հրապարակված Երեւանում, Մոսկվայում, Ս.Պետերբուրգում, Տարտուում (Էստոնիա), Փարիզում եւ այլուր: Բացի գրականագիտական աշխատություններից (դրանց թվում «Ազգային տաղաչափության համեմատական տիպաբանություն» մենագրությունը, Երեւան, 1981, ռուսերեն), հեղինակ է բանաստեղծական ժողովածուի («Տագնապներ». Բանաստեղծություններ. Երեւան, «Նաիրի», 1991. «Անահիտին». Բանաստեղծություններ. Նախադպրոցական եւ դպրոցական տարիքի համար. – Երեւան, «Ամրոց գրուպ», 2002):), թարգմանությունների, այդ թվում՝ Միսաք Մեծարենցի (Мисак Мецаренц. Лирика. Полное собрание. Ереван, 1997), Բուլատ Օկուջավայի (Булат Окуджава. Ночной разговор. Ереван, 2000. – 160 с.), բազմաթիվ հրապարակախոսական աշխատությունների (այդ թվում՝ «Маски террора», Ереван, «Арачэнтац», 1992), իրավունքի հիմնահարցերին առնչվող աշխատությունների, ի թիվս որոնց՝ «Христианские корни современного права» (Ереван, «Нжар», 2000), «Суд в библейском осмыслении» (Ереван, 2001), «Христианские корни современного права» (Москва, 2002), «Արդի իրավունքի քրիստոնեական ակունքները», Մ.Ա.Ս.Էջմիածին, 2002) մենագրությունները:

Ունի 2 զավակ (որդի եւ դուստր), 1 թոռ:

[to the top]Էջի սկիզբ

[ՀՀ ՍԴ] [ՀՀ Սահմանադրություն] [ՀՀ օրենքը ՍԴ-ի մասին] [ՍԴ կանոնակարգ] [ՍԴ որոշումներ] [ՍԴ նիստերի ժամանակացույց] [ՍԴ կառուցվածքը] [Միջազգային կապեր] [Միջոցառումներ] [Գրադարան] [Իրավական ռեսուրսներ] [Միջազգային ալմանախ] [ՍԴ տեղեկագիր] [Սահմանադրական արդարադատություն] [Տարեկան հաղորդումներ] [Ազգային զեկույցներ] [ՍԴ նախագահի ելույթներ] [Նորություններ] [Վիրտուալ պատկերասրահ]