Ամփոփագիր

     «Փրկարարական ծառայողի սոցիալական երաշխիքների իրավական հիմնախնդիրները Հայաստանի Հանրապետությունում» վերտառությամբ հոդվածը նվիրված է Հայաստանի Հանրապետությունում փրկարարական ծառայողների սոցիալական երաշխիքների իրավական հիմնախնդիրների ուսումնասիրությանը։

     Փրկարար ծառայության անձնակազմն իրենից ներկայացնում է հատուկ մասնագիտական խումբ, որի հիմնական նպատակը բնակչությանը տարբեր տեսակի սպառնալիքներից պաշտպանելն է։ Այս առումով առանձնահատուկ նշանակություն են ստանում սոցիալապես նշանակալի գործառույթներ և խնդիրներ կատարող փրկարարական ծառայողների նկատմամբ պետության կողմից երաշխիքների և արտոնությունների տրամադրման և ապահովման խնդիրները։

    Հոդվածի արդիականությունը պայմանավորված է Հայաստանի Հանրապետության օրենսդրությամբ ամրագրված և ժամանակակից հասարակության մեջ առկա սոցիալական երաշխիքների համապարփակ վերլուծության անհրաժեշտությամբ, ինչը թույլ կտա սոցիալական երաշխիքների իրականացման խնդիրների ու մեխանիզմների բացահայտման արդյունքում մշակել համակարգի բարելավման նոր մոտեցումներ:

     Հոդվածում քննարկվում են սոցիալական երաշխիքների ծագումնաբանությունը և պատմական զարգացումը, առանձնացվում են հատուկ կատեգորիայի անձանց, մասնավորապես՝ փրկարարական ծառայողների համար օրենսդրությամբ ամրագրված և տրամադրվող սոցիալական երաշխիքները և դրանց տրամադրման առանձնահատկություններն ու հիմնախնդիրները։

     Հիմնաբառեր․ Սահմանադրություն, սոցիալական երաշխիք, փրկարարական ծառայող, իրավունք, պետություն: