Ամփոփագիր

     «Փրկարարական ծառայության կազմակերպման իրավական հիմնահարցերը այլ ծառայությունների հետ համեմատությամբ» վերտառությամբ հոդվածի արդիականությունը պայմանավորված է պետական կառավարման համակարգի բարեփոխումների իրականացման արդյունքում առաջացած հակասությունների և ներկայումս գործող մի շարք իրավական ակտերում առկա հիմնախնդիրների կարգավորման անհրաժեշտությամբ:

     Փրկարարական ծառայության գործառույթների իրականացման արդյունավետությունը կախված է մի շարք գործոններից, մասնավորապես՝ սկսած կադրերի ընտրությունից, ծառայության անցման և աշխատանքային հարաբերությունների ճիշտ կազմակերպումից, միջոցառումների իրականացման ընթացքում քաղաքացիական հասարակության բոլոր շերտերի և բոլոր մարմինների մասնակցությունից մինչև բուն փրկարարական աշխատանքների իրականացումը և հետևանքների վերացումը։

     Հոդվածում քննարկվում են փրկարարական ծառայության վրա քաղաքացիական ծառայության իրավակարգավորումների տարածման անհնարինության, այլ ուժային կառույցների հետ գործառույթների համընկնման, գործնականում օրենսդրությամբ ծառայություններին վերապահված գործառույթներից բխող առանձնահատկությունների և հիմնախնդիրների հետ կապված հարցերը։

   Հիմնաբառեր․ փրկարարական ծառայություն, քաղաքացիական ծառայություն, զինծառայող, պաշտպանություն, անվտանգություն: