ՀՀ ՍԴ անդամ (դատավոր) 2014-2024թթ.
Ծնվել է 1966 թվականի հունվարի 6-ին Ստեփանավան քաղաքում։
ԳԻՏԱԿԱՆ ԱՍՏԻՃԱՆ, ԿՈՉՈՒՄ
Իրավաբանական գիտությունների թեկնածու, դոցենտ է:
ԿՐԹՈՒԹՅՈՒՆ
1991 թվականին գերազանցությամբ ավարտել է Մ.Վ. Լոմոնոսովի անվան Մոսկվայի պետական համալսարանի իրավաբանական ֆակուլտետը (Ռուսաստանի Դաշնություն, Մոսկվա)։
1995 թվականին ավարտել է Ռուսաստանի գիտությունների ակադեմիայի ասպիրանտուրան (Ռուսաստանի Դաշնություն, Մոսկվա)։ Թեկնածուական ատենախոսության թեման է՝ «Սեփականության իրավունքի կատեգորիան իրավունքի տեսությունում»
2004 թվականին ստացել է «Տնտեսություն և ձեռնարկատիրություն» թեմայով որակավորում Առևտրի համաշխարհային կազմակերպության Ինֆորմացիոն տեխնոլոգիաների տարածաշրջանային ինստիտուտում (Եգիպտոս, Կահիրե)։
2007 թվականին ստացել է «Եվրաինտեգրացում. սահմանադրական և օրենսդրական բարեփոխումներ» թեմայով որակավորում Եվրոպայի Խորհրդի Վենետիկի հանձնաժողովի քարտուղարությունում (Իտալիա, Տրիեստ)։
-
1999-2005 թթ.
աշխատել է ՀՀ արդարադատության նախարարությունում՝ որպես օրենսդրական հարցերի վարչության գլխավոր խորհրդատու, օրենսդրական հարցերի վարչության պետի տեղակալ, տնտեսական օրենսդրության բաժնի պետ։
-
2005-2007 թթ.
աշխատել է ՀՀ Նախագահի աշխատակազմում՝ որպես պետաիրավական վարչության պետ։
-
2007-2014 թթ.
զբաղեցրել է ՀՀ Նախագահի աշխատակազմի իրավաբանական վարչության պետի պաշտոնը։
-
2014 թվականի հունիսի 9-ին
ՀՀ Ազգային ժողովի որոշմամբ նշանակվել է Հայաստանի Հանրապետության սահմանադրական դատարանի անդամ։
-
2000 թվականից առ այսօր
դասավանդում է Հայ-Ռուսական (սլավոնական) համալսարանի իրավաբանական ֆակուլտետում:
-
2000 թվականից առ այսօր
Հայ-Ռուսական (սլավոնական) համալսարանի քաղաքացիական իրավունքի և քաղաքացիական դատավարության ամբիոնի վարիչ է։
-
2002 թվականին
շնորհվել է արդարադատության առաջին դասի խորհրդականի դասային աստիճան։
-
2011 թվականի դեկտեմբերի 29-ին
Հայաստանի Հանրապետության Նախագահի հրամանագրով շնորհվել է Հայաստանի Հանրապետության քաղաքացիական ծառայության 1-ին դասի պետական խորհրդականի դասային աստիճան։
-
2013 թվականի դեկտեմբերի 28-ին
Հայաստանի Հանրապետության Նախագահի հրամանագրով պարգևատրվել է «Մխիթար Գոշ» մեդալով։
Այլ տվյալներ
1984-1986 թթ. ծառայել է ԽՍՀՄ զինված ուժերում։
Գիտական աշխատությունների հեղինակ է իրավունքի տեսության, քաղաքացիական իրավունքի, քաղաքացիական դատավարության և հողային իրավունքի բնագավառներում։
Ամուսնացած է, ունի որդի և դուստր։
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում:
Սահմանադրական դատարանի պաշտոնական կայքի վերազինումը հնարավոր է դարձել Ամերիկայի ժողովրդի աջակցությամբ՝ Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) ֆինանսավորմամբ իրականացվող՝ ԱՄՆ ՄԶԳ Հայաստանի Արդարադատության ոլորտի աջակցության ծրագրի շրջանակում: Կայքի բովանդակության պատասխանատուն ՀՀ Սահմանադրական դատարանն է: Կայքում տեղ գտած տեսակետները պարտադիր չէ, որ արտացոլեն ԱՄՆ Միջազգային զարգացման գործակալության կամ Ամերիկայի Միացյալ Նահանգների կառավարության տեսակետները: