ՍԱՀՄԱՆԱԴՐԱԿԱՆՈՒՄ ՀՅՈՒՐԸՆԿԱԼՎԵԼ ԵՆ ՀԱՅ-ՌՈՒՍԱԿԱՆ ՀԱՄԱԼՍԱՐԱՆԻ ՈՒՍԱՆՈՂՆԵՐԸ
2025 թվականի դեկտեմբերի 3-ին Սահմանադրական դատարան են այցելել Հայ-ռուսական համալսարանի Իրավագիտության ինստիտուտի 2֊րդ կուրսի ուսանողները: Ապագա իրավաբաններին ընդունել է ՍԴ նախագահ Արման Դիլանյանը:
Ողջունելով ուսանողներին ՍԴ նախագահը ներկայացրել է Բարձր դատարանի առաքելությունը, լիազորությունների շրջանակը և գործունեության առանձնահատկությունները։ Ուսանողների հարցերին ի պատասխան Արման Դիլանյանն անդրադարձել է Բարձր դատարանի միջազգային կապերին, դատարանում տեղի ունեցող շարունակական ինստիտուցիոնալ բարեփոխումներին, դատական իշխանության դերակատարմանը՝ պետական կառավարման համակարգում: Քննարկվել են ՀՀ-ում իրավական ու սահմանադրական մշակույթի զարգացման հեռանկարները, սահմանադրական արդարադատության առանձնահատկությունները:
Սահմանադրական դատարանի նախագահը նշել է, որ Բարձր դատարանը մեծապես կարևորում է երիտասարդների հետ նման ձևաչափի հանդիպումները, որոնք լավ հնարավորություն են ինչպես անկաշկանդ քննարկելու մասնագիտական ոլորտին վերաբերող հարցերը, այնպես էլ լսելու նոր սերնդի իրավաբանների կարծիքներն ու դիտարկումները: Արման Դիլանյանն ուսանողներին հորդորել է չընկրկել դժվարությունների առաջ և մասնագիտական ուղին հարթել կայուն գիտելիքների և ամուր կամքի միջոցով:
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում:
Սահմանադրական դատարանի պաշտոնական կայքի վերազինումը հնարավոր է դարձել Ամերիկայի ժողովրդի աջակցությամբ՝ Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) ֆինանսավորմամբ իրականացվող՝ ԱՄՆ ՄԶԳ Հայաստանի Արդարադատության ոլորտի աջակցության ծրագրի շրջանակում: Կայքի բովանդակության պատասխանատուն ՀՀ Սահմանադրական դատարանն է: Կայքում տեղ գտած տեսակետները պարտադիր չէ, որ արտացոլեն ԱՄՆ Միջազգային զարգացման գործակալության կամ Ամերիկայի Միացյալ Նահանգների կառավարության տեսակետները: