ՍԱՀՄԱՆԱԴՐԱԿԱՆ ԴԱՏԱՐԱՆԻ ՆԱԽԱԳԱՀ ԱՐՄԱՆ ԴԻԼԱՆՅԱՆԸ ՇՆՈՐՀԱՎՈՐԱԿԱՆ ՈՒՂԵՐՁ Է ՀՂԵԼ ՄԻԵԴ ՆՈՐԸՆՏԻՐ ՆԱԽԱԳԱՀ ՄԱՐԿՈ ԲՈՍՆՅԱԿԻՆ
16 մայիսի 2024թ.Ուղերձում նշված է.
Մեծարգո՛ պարոն նախագահ,
Հայաստանի Հանրապետության Սահմանադրական դատարանի և անձամբ իմ անունից ջերմորեն շնորհավորում եմ Ձեզ՝ Մարդու իրավունքների եվրոպական դատարանի (ՄԻԵԴ) նախագահի բարձր պաշտոնը ստանձնելու կապակցությամբ։
Վստահ եմ, որ դատական համակարգում Ձեր երկարամյա աշխատանքային փորձն ու մասնագիտական բարձր գիտելիքները թույլ կտան է՛լ ավելի բարձրացնել նշաձողը՝ Եվրոպա աշխարհամասում իրավունքի գերակայության, հիմնարար իրավունքների ու ազատությունների պաշտպանության գործում։
ՀՀ Սահմանադրական դատարանը մշտապես կողմնակից է ազգային բարձր դատարանների և ՄԻԵԴ-ի միջև համագործակցության խթանմանը։ Դրա վառ ապացույցն է ՀՀ Սահմանադրական դատարանի և ՄԻԵԴ-ի միջև առկա, տարբեր ձևաչափերով, բարձր մակարդակի համագործակցությունը։
Սիրով վերահաստատում ենք մեր պատրաստակամությունն է՛լ ավելի ամրապնդելու և շարունակաբար զարգացնելու արդեն իսկ ձևավորված դրական փոխհարաբերությունները՝ ՀՀ Բարձր դատարանի և Մարդու իրավունքների եվրոպական դատարանի միջև։
Համոզված եմ, որ Ձեր նախագահությամբ ՀՀ Սահմանադրական դատարանի և ՄԻԵԴ-ի միջև արդյունավետ համագործակցությունը կշարունակի անշեղորեն զարգանալ։
Հարգանքով՝
ԱՐՄԱՆ ԴԻԼԱՆՅԱՆ
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում:
Սահմանադրական դատարանի պաշտոնական կայքի վերազինումը հնարավոր է դարձել Ամերիկայի ժողովրդի աջակցությամբ՝ Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) ֆինանսավորմամբ իրականացվող՝ ԱՄՆ ՄԶԳ Հայաստանի Արդարադատության ոլորտի աջակցության ծրագրի շրջանակում: Կայքի բովանդակության պատասխանատուն ՀՀ Սահմանադրական դատարանն է: Կայքում տեղ գտած տեսակետները պարտադիր չէ, որ արտացոլեն ԱՄՆ Միջազգային զարգացման գործակալության կամ Ամերիկայի Միացյալ Նահանգների կառավարության տեսակետները: