1993 թվականից «Երկրապահ կամավորականների միություն» հասարակական կազմակերպության հիմնադիր անդամ է:
2001 թվականին անդամագրվել է «Տանիք» իրավապաշտպան հասարակական կազմակերպությանն ու «Մարդու իրավունքների և հիմնարար ազատությունների պաշտպանության հասարակական խորհրդին»։
2003 թվականին անդամագրվել է «Իրավաբաններն ընդդեմ խոշտանգման» իրավապաշտպան հասարակական կազմակերպությանը:
2004 թվականին ԱՄՆ Պետդեպարտամենտի «Միջազգային այցելուների» ծրագրի շրջանակներում մասնակցել է ԱՄՆ նախագահական ընտրարշավին։
2011 թվականին հիմնադրել է «Իրավունքի գերակայություն» իրավապաշտպան հասարակական կազմակերպությունը և նախագահել այն մինչև 2017 թ. ապրիլը:
2011-2012 թթ. եղել է «Իրավունքի գերակայություն» ՀԿ «Խոսքի ազատությու՞ն, թե դեֆամացիա. որտե՞ղ է հավասարակշռությունը» ծրագրի փորձագետ:
2012 թ. եղել է «Իրավունքի գերակայություն» ՀԿ «Մարդու իրավունքների պաշտպանության` մենթորություն» ծրագրի փորձագետ, ստրատեգիական դատավարությունների իրականացման իրավաբան-փորձագետ:
2014 թվականին մասնակցել է «Արդարադատության ակադեմիայի» դասախոսների համար` «ՄԻԵԿ և ՄԻԵԴ նախադեպային իրավունքի կիրառման ամրապնդումը Հայաստանում» թեմայով դասախոսություններին:
2015-2017 թթ․ եղել է «Իրավունքի գերակայություն» ՀԿ «Ճանապարհատրանսպորտային փոխհարաբերություններում Իրավական պաշտպանության արդյունավետ մեխանիզմի գործարկում և իրավական դաշտի բարելավում» ծրագրի փորձագետ:
2015-2017 թթ․ եղել է մի շարք ճանաչված և հեղինակավոր իրավապաշտպանների կողմից հիմնադրված «Արդարություն խմբի» անդամ:
2009-2011 թթ․ աշխատել է «Հելսինկյան ասոցիացիա» իրավապաշտպան  հասարակական կազմակերպությունում՝ որպես փորձագետ:
2016 թ․ համակարգել է «Ադրբեջանի Հանրապետության կողմից ռազմական միջամտության հետևանքով Արցախի և Հայաստանի քաղաքացիների իրավունքների պաշտպանություն» ծրագիրը և եղել փորձագետ:
2020 թվականից իրականացնում է Ադրբեջանի կողմից Արցախի դեմ նախաձեռնված լայնամասշտաբ պատերազմի ընթացքում, դրան հաջորդած ժամանակահատվածում գերության մեջ հայտնված զինվորական ծառայողների և ձերբակալված քաղաքացիական անձանց, իրավունքի խախտման զոհերի իրավունքների պաշտպանություն միջազգային ատյաններում, այդ թվում՝ դատական: Այդ դիմումների հիման վրա Եվրոպական դատարանը ավելի քան 100 որոշում է կայացրել միջանկյալ միջոց կիրառելու վերաբերյալ, որով Ադրբեջանի կառավարությանը պարտավորեցրել է, պահանջել է փաստաթղթավորված տեղեկություն՝ նրանց գերեվարման փաստի, գտնվելու վայրի, պահման պայմանների և բժշկական սպասարկման, նրանց հայրենադարձման վերաբերյալ: Միևնույն ժամանակ 09.03.2021թ Եվրոպական դատարանը այդ դիմումների հիման վրա որոշել է Ադրբեջանի կողմից հայ ռազմագերիների և պահվող քաղաքացիական անձանց իրավունքների ոտնահարումների խնդրի մասին ծանուցել ԵԽ Նախարարների կոմիտեին:
2001-2005 թթ. դատական ներկայացուցչություն է իրականացրել վարչական կալանքների վարույթներում, 2003թ․՝ Սահմանադրական դատարանում՝ ընտրական վեճերով:
Հեղինակել (համահեղինակ) և իրականացրել է տասնյակ (ավելի քան 100) նախադեպային դատական ակտերի հիմքում ընկած ստրատեգիական դատավարություններ, այդ թվում՝ Սահմանադրական դատարանի, ավելի քան 60 որոշումների հիմքում ընկած դիմումներ. Վարչական դատարանի մի քանի հարյուր վճիռների հիմքում ընկած հայցերի, Վճռաբեկ դատարանի տասնյակ նախադեպային որոշումների հիմքում ընկած որոշումների, Մարդու իրավունքների եվրոպական դատարան ներկայացված և ընթացքում գտնվող, ավելի քան 600 գանգատների հեղինակ ու համահեղինակ է:
Տիրապետում է ռուսերենին, ֆրանսերենին։
1987-1989 թթ․ ծառայել է խորհրդային բանակում։
1990-1997 թթ․ կամավոր մասնակցել է Հայաստանի և Արցախի սահմանների պաշտպանությանը՝ Նիկոլ-Դուման երկրապահ կամավորական ջոկատի կազմում։ 1992 թ․ վիրավորվել է՝ կորցրելով ոտքը:
Ամուսնացած է, ունի չորս զավակ: