Ծնվել է 1975 թվականին Երևան քաղաքում:
ԳԻՏԱԿԱՆ ԱՍՏԻՃԱՆ, ԿՈՉՈՒՄ
Իրավաբանական գիտությունների թեկնածու
ԿՐԹՈՒԹՅՈՒՆ
1997 թվականին գերազանցության դիպլոմով ավարտել է Երևանի պետական համալսարանի իրավագիտության ֆակուլտետը:
1997 թվականին առկա ուսուցմամբ ընդունվել է ասպիրանտուրա Երևանի պետական համալսարանի իրավագիտության ֆակուլտետի քրեական դատավարության և կրիմինալիստիկայի ամբիոնում:
2000 թվականին Երևանի պետական համալսարանի գիտական խորհրդում պաշտպանել է թեկնածուական ատենախոսություն՝ «Դատավորների անկախությունը Հայաստանի Հանրապետությունում․ դատարանակազմական և քրեադատավարական երաշխիքներ» թեմայով (“Независимость судей в Республике Армения: судоустройственные и уголовно-процессуальные гарантии”):
-
2000-2005 թթ.
աշխատել է ՀՀ Վճռաբեկ դատարանում՝
2000-2003 թթ. - ՀՀ դատարանների նախագահների խորհրդում (ԴՆԽ)՝ որպես ՀՀ դատական ուսումնական կենտրոնի խորհրդատու,
2003 թվականից - ԴՆԽ ավագ խորհրդատու,
2005 թվականին - իրավական փորձաքննությունների վարչության ավագ մասնագետ:
Նաև համակարգել է դատական իշխանության միջազգային հարաբերություններին առնչվող հարցերը, մշակել է ՀՀ դատական համակարգի հակակոռուպցիոն ծրագիրը և համակարգել դրա կատարման գործընթացի մշտադիտարկումը, ինտերնետային էջի (www.armenian-judiciary.am) ստեղծումը և Վճռաբեկ դատարանի որոշումների առաջին հրապարակումները։ -
2003-2006 թթ.
աշխատել է որպես Եվրոպական Միության (ԵՄ) կողմից ֆինանսավորվող և ՄԱԿ-ի կողմից իրականացվող Հարավային Կովկասում թմրամիջոցների դեմ պայքարի տարածաշրջանային ծրագրի Հայաստանում իրավական օժանդակության ծրագրի ղեկավար։
-
2006-2013 թթ.
աշխատել է Հայաստանում ԱՄՆ դեսպանատանը՝
2006 թ. - ԱՄՆ Պետքարտուղարության Թմրամիջոցների դեմ պայքարի և իրավապահ համագործակցության բաժնի օգնական,
2007-2013 թթ. - ԱՄՆ Արդարադատության դեպարտամենտի իրավական հարցերով մասնագետ: -
2014 թվականի հունվար-դեկտեմբեր
ՀՀ արդարադատության ակադեմիայի պրոռեկտոր, դասախոս:
-
2015 թվականի հունիս - 2016 թվականի դեկտեմբեր
Եվրոպայի խորհրդի «Առողջապահության և մարդու իրավունքների պաշտպանության ամրապնդումը Հայաստանի բանտերում» ծրագրի իրավաբան փորձագետ:
-
2015 - 2017 թթ.
ԵՄ ««Արտոնությունների ընդհանրացված և համալրված համակարգ GSP+» արտոնյալ առևտրյային ռեժիմի և Եվրոպական հարևանության ներքո ՀՀ պարտավորությունների կատարման մշտադիտարկման ծրագրի» իրավունքի գերակայության և դատական իշխանության հարցերի փորձագետ, ինչպես նաև՝ 2016 թ․՝ ԵՄ «Զարգացման և ռազմավարական հետազոտություններ» ծրագրի դատական իշխանության և մարդու իրավունքների ոլորտային բարեփոխումների փորձագետ:
-
2016 թ. - 2021 թ. հունվար
եղել է ՀՀ փաստաբանների պալատի անդամ:
-
2021 թ. հունվարի 22-ին
Հայաստանի Հանրապետության Ազգային ժողովի կողմից ընտրվել է Բարձրագույն դատական խորհրդի անդամ:
-
2023 թվականի հոկտեմբերի 30-ին
Հայաստանի Հանրապետության նախագահի՝ 2023 թվականի հոկտեմբերի 30-ի հրամանագրով նշանակվել է Հայաստանի Հանրապետության Վճռաբեկ դատարանի քրեական պալատի դատավոր:
-
2024 թվականի մայիսի 21-ին
Հայաստանի Հանրապետության Ազգային Ժողովի կողմից ընտրվել է Հայաստանի Հանրապետության Սահմանադրական դատարանի դատավոր:
-
2004 թվականին
ռուսերենով դասավանդել է Հայ-ռուսական (Սլավոնական) համալսարանում («Մեղադրյալը և պաշտպանը քրեական դատավարությունում», «Նախաքննության հիմնախնդիրները» հատուկ դասընթացներ):
-
2008 - 2013 թթ.
դասավանդել է «ՀՀ դատախազության դպրոց» ՊՈԱԿ-ում:
-
2014 թվականին
մշակել և դասավանդել է «Մարդու իրավունքների եվրոպական դատարանի (ՄԻԵԴ) իրավաբանության հիմունքներն ու արդի միտումները», «ՄԻԵԴ նախադեպային իրավունքի արդի հարցերը քրեական գործերով» և «Իրավունքի դատական զարգացման արդի հարցերը» դասընթացները դատավորների և դատախազների թեկնածուների, ինչպես նաև գործող դատավորների և դատախազների համար:
-
2017 թվականին
դասավանդել է ՀՀ փաստաբանական դպրոցում («Դատական ակտերի բողոքարկումը» դասընթաց):
-
2013 – 2020 թթ.
ԵՊՀ քրեական դատավարության և կրիմինալիստիկայի ամբիոնում մշակել և դասավանդել է «Մարդու իրավունքների պաշտպանության եվրոպական չափորոշիչները քրեական դատավարությունում» և «Իրավաբանի մասնագիտական հմտություններ» դասընթացները (մագիստրատուրայի ուսումնական ծրագիր):
Այլ տվյալներ
Մասնակցել է մի քանի տասնյակ վերապատրաստումների, գիտական և գործնական համաժողովների տարբեր երկրներում (ԱՄՆ, Կանադա, Ֆրանսիա, Գերմանիա, Բելգիա, Մեծ Բրիտանիա, Շվեյցարիա, Չեխիա, Ալբանիա և այլն), այդ թվում՝
• «Պաշտոնեական կոռուպցիայի քննությունն ու քրեական հետապնդումը» թեմայով վերապատրաստման դասընթաց ԱՄՆ Կենտրոնական և Արևելյան Եվրոպայի իրավական նախաձեռնության ինստիտուտում (CEELI Institute), 2019թ. ապրիլի 8-12, Պրահա, Չեխիա
• Պաշտպանության միջազգային կենտրոնի կողմից (Centre de la protection internationale) «Ռուսաստանի և ԱՊՀ երկրների իրավաբանների համար Մարդու իրավունքների միջազգային իրավունքի հարցերով» վերապատրաստման դասընթաց, 2017 թ. հոկտեմբերի 15-21, Ստրասբուրգ, Ֆրանսիա:
Որպես փորձագետ ներկայացրել է Հայաստանի դատաիրավական համակարգում առկա խնդիրները Հայաստանի Հանրապետության կողմից ստանձնած միջազգային պարտավորությունների տեսակետից՝ հրապարակային ելույթներ ունենալով տարբեր հարթակներում, ներառյալ՝
• ՄԱԿ-ի Խոշտանգումների դեմ կոմիտեի նիստը (2016 թ., Ժնև, Շվեյցարիա)
• Միջազգային խաղաղության Կարնեգիի կենտրոնը (2011 թ., Վաշինգտոն, ԱՄՆ)
• Հայաստանի կողմից Եվրոպական հարևանության քաղաքականության ներքո ստանձնած պարտավորությունների կատարմանը նվիրված խորհրդակցությունները ԵՄ տարբեր կառույցներում` Եվրոպական խորհրդարան, Եվրոպական հանձնաժողով (2012-2013 թթ., 2015-2018 թ., Բրյուսել, Բելգիա) և այլն:
Թարգմանչի մակարդակով տիրապետում է ռուսերենին և անգլերենին (պայմանագրային հիմունքներով իրավական թեմաներով 2015-2020 թթ. համաժամանակյա թարգմանության ծառայություններ է մատուցել Եվրոպայի խորհրդին, Հայաստանում ԱՄՆ դեսպանատանը, այլ կազմակերպություններին):
Ամուսնացած է, ունի երկու զավակ:
ԳԻՏԱԿԱՆ ԵՎ ՄԵԹՈԴԱԿԱՆ ԱՇԽԱՏԱՆՔՆԵՐ
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում:
Սահմանադրական դատարանի պաշտոնական կայքի վերազինումը հնարավոր է դարձել Ամերիկայի ժողովրդի աջակցությամբ՝ Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) ֆինանսավորմամբ իրականացվող՝ ԱՄՆ ՄԶԳ Հայաստանի Արդարադատության ոլորտի աջակցության ծրագրի շրջանակում: Կայքի բովանդակության պատասխանատուն ՀՀ Սահմանադրական դատարանն է: Կայքում տեղ գտած տեսակետները պարտադիր չէ, որ արտացոլեն ԱՄՆ Միջազգային զարգացման գործակալության կամ Ամերիկայի Միացյալ Նահանգների կառավարության տեսակետները: