ՍԱՀՄԱՆԱԴՐԱԿԱՆ ԴԱՏԱՐԱՆԻ ՆԱԽԱԳԱՀԸ ՇՆՈՐՀԱՎՈՐԱԿԱՆ ՈՒՂԵՐՁ Է ՀՂԵԼ ԿԱՆԱԴԱՅԻ ԳԵՐԱԳՈՒՅՆ ԴԱՏԱՐԱՆԻ ՆԱԽԱԳԱՀԻՆ
1 հուլիսի 2022թ.«Մեծարգո՛ պարոն նախագահ,
Հայաստանի Հանրապետության սահմանադրական դատարանի և անձամբ իմ անունից ջերմ շնորհավորանքներ ու բարեմաղթանքներ եմ հղում Ձեզ Կանադայի օրվա կապակցությամբ:
Վերջին տարիների ընթացքում Հայաստանի Հանրապետության սահմանադրական դատարանի և Կանադայի գերագույն դատարանի միջև ձևավորվել են ամուր գործընկերային կապեր, որոնք հիմնված են ժողովրդավարական արժեքների ու հանձնառությունների վրա: Այս համատեքստում առանձնահատուկ կարևորում եմ Ձեր դատարանի ու Ձեր կողմից անձնապես ցուցաբերված աջակցությունը Հայաստանի Հանրապետության սահմանադրական դատարանին՝ Ֆրանկոֆոն սահմանադրական դատարանների ընկերակցության անդամակցության ձևակերպման հարցում:
Լիահույս եմ, որ հայ-կանադական ներկայիս ամուր միջպետական հարաբերությունները առաջիկայում կանդրադառնան նաև մեր դատարանների իրավական երկխոսության և համագործակցության վրա: Այս համատեքստում ցանկանում եմ առանձնահատուկ ընդգծել Հայաստանի Հանրապետության սահմանադրական դատարանի հետաքրքրությունը՝ ձևավորելու երկկողմանի համագործակցութան նոր օրակարգ Կանադայի գերագույն դատարանի հետ։
Օգտվելով հնարավորությունից՝ մաղթում եմ Ձեզ քաջառողջություն և հաջողություն, իսկ Կանադայի բարեկամ ժողովրդին` առաջընթաց և բարգավաճում»:
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում:
Սահմանադրական դատարանի պաշտոնական կայքի վերազինումը հնարավոր է դարձել Ամերիկայի ժողովրդի աջակցությամբ՝ Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) ֆինանսավորմամբ իրականացվող՝ ԱՄՆ ՄԶԳ Հայաստանի Արդարադատության ոլորտի աջակցության ծրագրի շրջանակում: Կայքի բովանդակության պատասխանատուն ՀՀ Սահմանադրական դատարանն է: Կայքում տեղ գտած տեսակետները պարտադիր չէ, որ արտացոլեն ԱՄՆ Միջազգային զարգացման գործակալության կամ Ամերիկայի Միացյալ Նահանգների կառավարության տեսակետները: