ՍԱՀՄԱՆԱԴՐԱԿԱՆ ԴԱՏԱՐԱՆԻ ՆԱԽԱԳԱՀ ԱՐՄԱՆ ԴԻԼԱՆՅԱՆԻ ՈՒՂԵՐՁԸ ՀԱՆՐԱՊԵՏՈՒԹՅԱՆ ՏՈՆԻ ԱՌԹԻՎ
Սիրելի՛ հայրենակիցներ,
Հայաստանի Հանրապետության հարգելի՛ քաղաքացիներ,
Շնորհավորում եմ բոլորիս Հանրապետության տոնի առթիվ:
106 տարի առաջ ճիշտ այս օրը՝ մայիսի 28-ին, բազմաթիվ հայորդիների արյամբ գրվեց մեր ժողովրդի պատմության փառավոր էջերից մեկը՝ հիմնադրվեց Հայաստանի առաջին Հանրապետությունը, որը դարձավ ապագայի նկատմամբ հայ ժողովրդի հույսի ու հավատի առհավատչյան:
Պետականությունն ու անկախությունը դիպվածի արդյունք չեն: Դրանք ազգի և ժողովրդի ինքնապահպանության, հավաքական արժանապատվության հրամայականով իրողություն դարձնելուն պատրաստ նրա հարյուր հազարավոր զավակների գիտակցված ինքնանվիրումի, հսկայական ջանքերի ու զոհողությունների շնորհիվ կերտվող անգին արժեքներ են, որոնց պահպանումն ուժերի էլ ավելի մեծ լարում և իմաստնություն է պահանջում:
Վերջին տարիներին մեր շուրջը և մեր ներսում տեղի ունեցած իրադարձություններն ի ցույց դրեցին և՛ լավ, և՛ վատ բազմաթիվ իրողություններ, որոնց հետ պարտավոր ենք հաշվի նստել: Այսօր մեր պետությանը նետված մարտահրավերները պարտադրում են վերստին վերգտնել մեր միասնականությունն ու կամքը՝ առանց ներքին ցնցումների հաղթահարելու մեզ նետված մարտահրավերները։ Դրանում հաջողելու ճանապարհը ոչ միայն մեր հոգեբանության և մտածողության փոփոխությունն է, այլ նաև մեր որդեգրած սահմանադրական արժեքներին հավատարիմ մնալն ու այդ արժեքներով առաջնորդվելը:
Մենք անկախության և պետականության համար չափազանց թանկ ենք վճարել և այժմ՝ ավելի քան մեկ դար անց, պետք է առաջնորդվենք ոչ թե հույզերով, այլ ինստիտուցիոնալ մտածողությամբ, և յուրաքանչյուրս մեր տեղում՝ մարդկային ու մասնագիտական բարեխղճությամբ, քրտնաջան աշխատանքով մեր նպաստը բերենք հայոց պետականության ամրացմանն ու Հայրենիքի հզորացմանը:
Սիրելի՛ հայրենակիցներ,
Կրկին շնորհավորելով բոլորիս այս մեծ տոնի կապակցությամբ՝ ուժ և ամուր կամք եմ մաղթում մեր իմաստուն ժողովրդին:
Նորություններ
11 մարտի 2025թ.
«ՀՀ ՍԱՀՄԱՆԱԴՐԱԿԱՆ ԴԱՏԱՐԱՆ. ՏԵՂԵԿԱԳԻՐ» ՊԱՐԲԵՐԱԿԱՆԻ 5(117) 2024 ՀԱՄԱՐԻ ԷԼԵԿՏՐՈՆԱՅԻՆ ՏԱՐԲԵՐԱԿԸ
25 փետրվարի 2025թ.
«ՀՀ ՍԱՀՄԱՆԱԴՐԱԿԱՆ ԴԱՏԱՐԱՆ. ՏԵՂԵԿԱԳԻՐ» ՊԱՐԲԵՐԱԿԱՆԻ 4(116) 2024 ՀԱՄԱՐԻ ԷԼԵԿՏՐՈՆԱՅԻՆ ՏԱՐԲԵՐԱԿԸ
24 փետրվարի 2025թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ԱՇԽԱՏԱԿԱՐԳԱՅԻՆ ՈՐՈՇՈՒՄ
21 փետրվարի 2025թ.
ՍԱՀՄԱՆԱԴՐԱԿԱՆ ԴԱՏԱՐԱՆՈՒՄ ՀՅՈՒՐԸՆԿԱԼՎԵԼ ԵՆ ՄԻՊ ՁՄԵՌԱՅԻՆ ԴՊՐՈՑԻ ՈՒՆԿՆԴԻՐՆԵՐՆ ԵՎ ՎԱՆԱՁՈՐԻ Հ․ ԹՈՒՄԱՆՅԱՆԻ ԱՆՎ․ ՀԱՄԱԼՍԱՐԱՆԻ ՈՒՍԱՆՈՂՆԵՐԸ
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում:
Սահմանադրական դատարանի պաշտոնական կայքի վերազինումը հնարավոր է դարձել Ամերիկայի ժողովրդի աջակցությամբ՝ Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) ֆինանսավորմամբ իրականացվող՝ ԱՄՆ ՄԶԳ Հայաստանի Արդարադատության ոլորտի աջակցության ծրագրի շրջանակում: Կայքի բովանդակության պատասխանատուն ՀՀ Սահմանադրական դատարանն է: Կայքում տեղ գտած տեսակետները պարտադիր չէ, որ արտացոլեն ԱՄՆ Միջազգային զարգացման գործակալության կամ Ամերիկայի Միացյալ Նահանգների կառավարության տեսակետները: