ՍԱՀՄԱՆԱԴՐԱԿԱՆ ԴԱՏԱՐԱՆԻ ՆԱԽԱԳԱՀՆ ԸՆԴՈՒՆԵԼ Է ԱՄՆ ՄԶԳ ՀԱՅԱՍՏԱՆՅԱՆ ԳՐԱՍԵՆՅԱԿԻ ԻՐԱՎԱԿԱՆ ԾՐԱԳՐԻ ԹԻՄԻՆ
2024 թվականի մարտի 20-ին Սահմանադրական դատարանի նախագահ Արման Դիլանյանն ընդունել է ԱՄՆ Միջազգային զարգացման գործակալության (ՄԶԳ) Հայաստանի Արդարադատության ոլորտի աջակցության ծրագրի տեխնիկական տնօրեն Պատրիկ Վուչեքին և ծրագրի թիմին՝ նորանշանակ ղեկավար Հասմիկ Հակոբյանի գլխավորությամբ։
Ողջունելով հյուրերին՝ Բարձր դատարանի նախագահը վերահաստատել է Սահմանադրական դատարանի անփոփոխ հանձնառությունը ժողովրդավարության և մարդու իրավունքների պաշտպանության ոլորտում։ Արման Դիլանյանն ընդգծել է ԱՄՆ Միջազգային զարգացման գործակալության հետ հաստատված և ակնհայտորեն զարգացող օրինակելի համագործակցությունը, որը նշանակալի դեր ունի Սահմանադրական դատարանի ինստիտուցիոնալ բարեփոխումների, գործունեության թափանցիկության և վարչարարության զարգացման գործում։
ԱՄՆ ՄԶԳ Հայաստանի Արդարադատության ոլորտի աջակցության ծրագրի տեխնիկական տնօրեն Պատրիկ Վուչեքը շնորհակալություն է հայտնել Սահմանադրական դատարանի նախագահին և դատարանի աշխատակազմին համագործակցության համար։ Պատրիկ Վուչեքն ընդգծել է Բարձր դատարանի բաց և արդյունավետ մասնագիտական աշխատանքը Արդարադատության ոլորտի աջակցության ծրագրի շրջանակներում՝ այն համարելով օրինակելի համագործակցություն, և պատրաստակամություն է հայտնել՝ խթանելու նաև երկու երկրների Բարձր դատարանների մասնագիտական շփումներն ու հարաբերությունների հաստատումը։
ԱՄՆ ՄԶԳ Հայաստանի Արդարադատության ոլորտի աջակցության ծրագրի ղեկավար Հասմիկ Հակոբյանն իր հերթին շնորհակալություն է հայտնել ջերմ ընդունելության համար՝ նշելով, որ ներդնելու է բոլոր ջանքերը Բարձր դատարանի հետ համագործակցության շարունակականությունն ապահովելու ուղղությամբ։
Հանդիպման ընթացքում պայմանավորվածություն է ձեռք բերվել աշխատանքային մակարդակում համաձայնեցնել Սահմանադրական դատարանի և ԱՄՆ ՄԶԳ Հայաստանի Արդարադատության ոլորտի աջակցության ծրագրի միջև համագործակցության հետագա աշխատանքներն ու առաջնահերթությունները։
Նորություններ
15 նոյեմբերի 2024թ.
ԵՐԵՎԱՆՈՒՄ ՄԵԿՆԱՐԿԵԼ Է «ՀԱՐԳԱՆՔ ՍԱՀՄԱՆԱԴՐԱԿԱՆ ԴԱՏԱՐԱՆՆԵՐԻ ՈՐՈՇՈՒՄՆԵՐԻ ՆԿԱՏՄԱՄԲ» ԽՈՐԱԳՐՈՎ ԲԱՐՁՐ ՄԱԿԱՐԴԱԿԻ ՄԻՋԱԶԳԱՅԻՆ ՎԵՀԱԺՈՂՈՎԸ
25 հոկտեմբերի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆՈՒՄ ՀՅՈՒՐԸՆԿԱԼՎԵԼ Է ՄԻՋԱԶԳԱՅԻՆ ՔՐԵԱԿԱՆ ԴԱՏԱՐԱՆԻ ԵՐՐՈՐԴ ՆԱԽԱԳԱՀԸ
25 հոկտեմբերի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆՈՒՄ ՀՅՈՒՐԸՆԿԱԼՎԵԼ ԵՆ ՀԱՅԱՍՏԱՆԻ ԵՎՐՈՊԱԿԱՆ ՀԱՄԱԼՍԱՐԱՆԻ ԵՎ ԳԼԱՁՈՐ ՀԱՄԱԼՍԱՐԱՆԻ ՈՒՍԱՆՈՂՆԵՐԸ
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում:
Սահմանադրական դատարանի պաշտոնական կայքի վերազինումը հնարավոր է դարձել Ամերիկայի ժողովրդի աջակցությամբ՝ Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) ֆինանսավորմամբ իրականացվող՝ ԱՄՆ ՄԶԳ Հայաստանի Արդարադատության ոլորտի աջակցության ծրագրի շրջանակում: Կայքի բովանդակության պատասխանատուն ՀՀ Սահմանադրական դատարանն է: Կայքում տեղ գտած տեսակետները պարտադիր չէ, որ արտացոլեն ԱՄՆ Միջազգային զարգացման գործակալության կամ Ամերիկայի Միացյալ Նահանգների կառավարության տեսակետները: