ՍԱՀՄԱՆԱԴՐԱԿԱՆ ԴԱՏԱՐԱՆԻ ՆԱԽԱԳԱՀՆ ԸՆԴՈՒՆԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԻՐԱՔԻ ՀԱՆՐԱՊԵՏՈՒԹՅԱՆ ԴԵՍՊԱՆՈՒԹՅԱՆ ԳՈՐԾԵՐԻ ԺԱՄԱՆԱԿԱՎՈՐ ՀԱՎԱՏԱՐՄԱՏԱՐԻՆ
2024 թ․ օգոստոսի 14-ին Սահմանադրական դատարանի նախագահ Արման Դիլանյանը հանդիպում է ունեցել քաղաքավարական այցով Սահմանադրական դատարան այցելած` Հայաստանի Հանրապետությունում Իրաքի Հանրապետության դեսպանության գործերի նորանշանակ ժամանակավոր հավատարմատար՝ դոկտոր Ալի Աբդուլքարեմ Ութավիի հետ։
Հանդիպմանը ներկա են եղել նաև Հայաստանի Հանրապետությունում Իրաքի Հանրապետության դեսպանության առաջին քարտուղար Սաադ Ֆադալա Համզան և դեսպանության իրավական բաժնի պատասխանատու Հասան Կոկազ Կամաշը։
Ողջունելով հյուրերին՝ Սահմանադրական դատարանի նախագահը բարձր է գնահատել սահմանադրական արդարադատության ոլորտում հարաբերություններն ակտիվացնելու, փոխայցերի և փորձի փոխանակման վերաբերյալ Իրաքի Դաշնային գերագույն դատարանի առաջարկությունը և վերահաստատել է այդ ուղղությամբ աշխատանքների իրականացման պատրաստակամությունը։
Հանդիպման ընթացքում քննարկվել են Հայաստանի Հանրապետության և Իրաքի Հանրապետության Բարձր դատարանների հարաբերություններն ինստիտուցիոնալ մակարդակով ամրապնդելու ուղղությամբ աշխատանքներ իրականացնելու վերաբերյալ հարցեր։
Դոկտոր Ալի Աբդուլքարեմ Ութավին, շնորհակալություն հայտնելով ջերմ ընդունելության համար, նշել է, որ ինքն անձամբ բոլոր ջանքերը կներդնի՝ նպաստելու երկու բարեկամ երկրների միջև դատական ոլորտում համագործակցության արդյունավետության բարձրացման և ամրապնդման համար։
1 օգոստոսի 2024թ.
ՍԴ ԴԱՏԱՎՈՐ Ե. ԽՈՒՆԴԿԱՐՅԱՆՆ ԱՇԽԱՏԱՆՔԱՅԻՆ ԱՅՑՈՎ ՄԵԿՆԵԼ Է ՍԱՆԿՏ ՊԵՏԵՐԲՈՒՐԳ
8 ապրիլի 2024թ.
Սահմանադրական դատարանի ՍԴՈ-1708 որոշումը. հարցազրույց Սահմանադրական դատարանի դատավոր Էդգար Շաթիրյանի հետ
17 հուլիսի 2024թ.
Սահմանադրական դատարանի ՍԴՈ-1699 որոշումը. հարցազրույց Սահմանադրական դատարանի դատավոր Սեդա Սաֆարյանի հետ
28 հունիսի 2024թ.
ՍԴ ՆԱԽԱԳԱՀԻ ԽՈՐՀՐԴԱԿԱՆ Ն.ՀՈՎՀԱՆՆԻՍՅԱՆԸ ՄԻԵԴ-ՈՒՄ ՄԱՍՆԱԿՑԵԼ Է ԲԱՐՁՐ ԴԱՏԱՐԱՆՆԵՐԻ ՑԱՆՑԻ ՅՈԹԵՐՈՐԴ ՀԱՄԱԺՈՂՈՎԻՆ
29 հուլիսի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ԱՇԽԱՏԱԿԱՐԳԱՅԻՆ ՈՐՈՇՈՒՄ
26 հուլիսի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ԴԱՏԱՎՈՐ ԷԴԳԱՐ ՇԱԹԻՐՅԱՆԻ ՀԱՐՑԱԶՐՈՒՅՑԸ ԱՌԱՋԻՆ ԱԼԻՔԻՆ
25 հուլիսի 2024թ.
ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ
4 հուլիսի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ՊԱՏՎԻՐԱԿՈՒԹՅԱՆ ԱՅՑԸ ՎԱՇԻՆԳՏՈՆ
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում:
Սահմանադրական դատարանի պաշտոնական կայքի վերազինումը հնարավոր է դարձել Ամերիկայի ժողովրդի աջակցությամբ՝ Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) ֆինանսավորմամբ իրականացվող՝ ԱՄՆ ՄԶԳ Հայաստանի Արդարադատության ոլորտի աջակցության ծրագրի շրջանակում: Կայքի բովանդակության պատասխանատուն ՀՀ Սահմանադրական դատարանն է: Կայքում տեղ գտած տեսակետները պարտադիր չէ, որ արտացոլեն ԱՄՆ Միջազգային զարգացման գործակալության կամ Ամերիկայի Միացյալ Նահանգների կառավարության տեսակետները: