ՏԵՂԻ Է ՈՒՆԵՑԵԼ ՍԱՀՄԱՆԱԴՐԱԿԱՆ ԴԱՏԱՐԱՆԻ ՆԱԽԱԳԱՀ ԱՐՄԱՆ ԴԻԼԱՆՅԱՆԻ ՀԱՆԴԻՊՈՒՄԸ ՎԵՆԵՏԻԿԻ ՀԱՆՁՆԱԺՈՂՈՎԻ ՆԱԽԱԳԱՀ ԿԼԵՐ ԲԱԶԻ ՄԱԼՈՐԻԻ ՀԵՏ
2022 թվականի հունիսի 8-ին տեղի է ունեցել Սահմանադրական դատարանի նախագահ Արման Դիլանյանի հանդիպումը Եվրոպայի խորհրդի «Ժողովրդավարություն` իրավունքի միջոցով» եվրոպական հանձնաժողովի (Վենետիկի հանձնաժողով) նախագահ Կլեր Բազի Մալորիի հետ, որը Բարձր դատարանի հրավերով պաշտոնական այցով ժամանել է Հայաստանի Հանրապետություն։
Հանդիպման մեկնարկին Արման Դիլանյանը Կլեր Բազի Մալորիին շնորհակալություն է հայտնել հրավերն ընդունելու և պաշտոնական այցով Հայաստան ժամանելու համար:
Սահմանադրական դատարանի նախագահը կարևորել է Վենետիկի հանձնաժողովի հետ ավանդաբար ակտիվ համագործակցության հետագա զարգացումը և ընդգծել Սահմանադրական դատարանի հանձնառությունը՝ շարունակելու արդյունավետ գործընկերությունը Սահմանադրական արդարադատության միասնական խորհրդի շրջանակներում:
Իր հերթին Վենետիկի հանձնաժողովի նախագահ Կլեր Բազի Մալորին շնորհակալություն է հայտնել Երևան այց կատարելու հրավերի ու ջերմ ընդունելության համար և նշել, որ իր պաշտոնական այցը կնպաստի երկկողմ և բազմակողմ ձևաչափերով համագործակցության ընդլայնմանն ու խորացմանը։ Կլեր Բազի Մալորին հայտնել է, որ Վենետիկի հանձնաժողովը պատրաստակամ է խորացնելու համագործակցությունը Հայաստանի Հանրապետության սահմանադրական դատարանի հետ և դիտարկելու ապագայում համատեղ նախաձեռնությունների իրականացումը:
Զրուցակիցները մտքեր են փոխանակել ժողովրդավարության խթանման, մարդու իրավունքների պաշտպանության և իրավունքի գերակայության ապահովման ուղղությամբ հետագա համագործակցության օրակարգի շուրջ:
Նորություններ
21 հունիսի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ԱՇԽԱՏԱԿԱՐԳԱՅԻՆ ՈՐՈՇՈՒՄ
21 հունիսի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ԱՇԽԱՏԱԿԱՐԳԱՅԻՆ ՈՐՈՇՈՒՄ
19 հունիսի 2024թ.
«ՀՀ ՍԱՀՄԱՆԱԴՐԱԿԱՆ ԴԱՏԱՐԱՆ. ՏԵՂԵԿԱԳԻՐ» ՊԱՐԲԵՐԱԿԱՆԻ 1(113) 2024 ՀԱՄԱՐԻ ԷԼԵԿՏՐՈՆԱՅԻՆ ՏԱՐԲԵՐԱԿԸ
4 հունիսի 2024թ.
ԵՐՎԱՆԴ ԽՈՒՆԴԿԱՐՅԱՆԸ ՄԱՍՆԱԿՑԵԼ Է ԵՎՐՈՊԱԿԱՆ ՍԱՀՄԱՆԱԴՐԱԿԱՆ ԴԱՏԱՐԱՆՆԵՐԻ ՎԵՀԱԺՈՂՈՎԻ XIX ՀԱՄԱԳՈՒՄԱՐԻՆ
3 հունիսի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆՈՒՄ ՀՅՈՒՐԸՆԿԱԼՎԵԼ ԵՆ ԵՐԵՎԱՆԻ ԱՎԱԳ ԵՎ ՀԻՄՆԱԿԱՆ ԴՊՐՈՑՆԵՐԻ ԱՇԱԿԵՐՏՆԵՐԸ
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում:
Սահմանադրական դատարանի պաշտոնական կայքի վերազինումը հնարավոր է դարձել Ամերիկայի ժողովրդի աջակցությամբ՝ Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) ֆինանսավորմամբ իրականացվող՝ ԱՄՆ ՄԶԳ Հայաստանի Արդարադատության ոլորտի աջակցության ծրագրի շրջանակում: Կայքի բովանդակության պատասխանատուն ՀՀ Սահմանադրական դատարանն է: Կայքում տեղ գտած տեսակետները պարտադիր չէ, որ արտացոլեն ԱՄՆ Միջազգային զարգացման գործակալության կամ Ամերիկայի Միացյալ Նահանգների կառավարության տեսակետները: