Հուլիսի 1-ին Հայաստանի ազգային պատկերասրահում, ՀՀ Նախագահ Սերժ Սարգսյանի մասնակցությամբ, տեղի ունեցավ ՀՀ Սահմանադրության օրվան նվիրված ընդունելություն:
Հանդիսությանը մասնակցում էին՝ Նորին Սուրբ Օծություն Տ.Տ. Գարեգին Բ. Ամենայն Հայոց Կաթողիկոսը, ՀՀ ԱԺ նախագահ Գալուստ Սահակյանը, ՀՀ վարչապետ Հովիկ Աբրահամյանը, ՀՀ ԱԺ փոխխոսնակ Հերմինե Նաղդալյանը, ՀՀ սահմանադրական դատարանի անդամներ, ՀՀ ԱԺ խմբակցությունների ղեկավարներ, հանձնաժողովների նախագահներ, պատգամավորներ, ՀՀ կառավարության անդամներ։
Իրենց մասնակցությունն էին բերել ՀՀ-ում հավատարմագրված դիվանագիտական ներկայացուցչությունների ղեկավարներ։ Վերջիններիս նախապես բաժանվեց անգլերեն եւ ռուսերեն լեզուներով Գ. Հարությունյանի ելույթի տեքստը։
ՀՀ Սահմանադրության օրվան նվիրված ելույթով հանդես եկավ ՀՀ սահմանադրական դատարանի նախագահ Գ. Հարությունյանը: (Ելույթի տեքստը ներկայացվում է տեղեկատվության վերջում):
Միջոցառմանը կայացավ ՀՀ սահմանադրական դատարանի նախագահ, իրավագիտության դոկտոր, պրոֆեսոր Գագիկ Հարությունյանի հեղինակած «Սահմանադրական մշակույթ. պատմության դասերը եւ ժամանակի մարտահրավերները» գրքի շնորհանդեսը: Այս հրատարակությունը նվիրված է Հայաստանի Հանրապետության անկախության 25-ամյակին:
Գրքի եւ հեղինակի մասին հակիրճ խոսք ասաց ՀՀ ԳԱԱ ակադեմիկոս Գագիկ Ղազինյանը