ՍԱՀՄԱՆԱԴՐԱԿԱՆ ԴԱՏԱՐԱՆԻ ԱՌԱՋԻՆ ԱՄԱՌԱՅԻՆ ԴՊՐՈՑԸ
2023թ. հուլիսի 29-30-ը Սահմանադրական դատարանը՝ «Աջակցություն Սահմանադրական դատարանի ինստիտուցիոնալ բարեփոխումներին» ծրագրի շրջանակներում, անցկացրեց առաջին ամառային դպրոցը հայաստանյան բուհերի իրավագիտության ֆակուլտետների բարձր կուրսերի ուսանողների համար:
Նիդերլանդների Թագավորության ֆինանսական աջակցությամբ իրականացվող Ամառային դպրոցը կազմակերպվել էր «Իրավունքի Եվրոպա միավորում» հասարակական կազմակերպության կողմից։
Ամառային դպրոցին մասնակցել են Երևանի պետական համալսարանի, Հայաստանի ամերիկյան համալսարանի, Եվրասիա միջազգային համալսարանի, Հայաստանում ֆրանսիական համալսարանի և Հայաստանի եվրոպական համալսարանի կողմից ներկայացված ուսանողներ:
Ամառային դպրոցի դասախոսությունները վերաբերել են Սահմանադրական դատարանի ձևավորման և գործունեության սկզբունքներին, Սահմանադրական դատարանի հանրային իշխանության մարմինների համակարգում ունեցած դերին, Սահմանադրական դատարանի՝ մարդու հիմնական իրավունքների և ազատությունների և սահմանադրական ժողովրդավարության պաշտպանության հիմնական գործառույթներին, որոնցով դասախոսել են Սահմանադրական դատարանի դատավորներ տիկին Ս. Սաֆարյանը և պարոնայք Է. Շաթիրյանը, Հ. Հովակիմյանը և Վ. Գրիգորյանը։
Ամառային դպրոցն ավարտվել է Սահմանադրական դատարան ճանաչողական այցով, որին հաջորդել է ամառային դպրոցի մասնակիցների հավաստագրերի հանձնման հանդիսավոր արարողությունը։
Ամառային դպրոցի առաջին շրջանավարտներին ողջունել են Սահմանադրական դատարանի նախագահ պարոն Ա. Դիլանյանը, Հայաստանի Հանրապետությունում Նիդերլանդների թագավորության դեսպան պարոն Ն. Սխեմերսը և «Իրավունքի Եվրոպա միավորում» ՀԿ նախագահ տիկին Լ. Հակոբյանը։
Նորություններ
22 սեպտեմբերի 2023թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ԱՇԽԱՏԱԿԱՐԳԱՅԻՆ ՈՐՈՇՈՒՄ
18 սեպտեմբերի 2023թ.
«ՀՀ ՍԱՀՄԱՆԱԴՐԱԿԱՆ ԴԱՏԱՐԱՆ. ՏԵՂԵԿԱԳԻՐ» ՊԱՐԲԵՐԱԿԱՆԻ 2(110) 2023 ՀԱՄԱՐԻ ԷԼԵԿՏՐՈՆԱՅԻՆ ՏԱՐԲԵՐԱԿԸ
15 սեպտեմբերի 2023թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ԱՇԽԱՏԱԿԱՐԳԱՅԻՆ ՈՐՈՇՈՒՄ
14 սեպտեմբերի 2023թ.
ՍԴ-ԱՄՆ ՄԶԳ ԾՐԱԳՐԻ ՄԵԿՆԱՐԿ
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում: