ԴԱՏԱՎՈՐ ՎԱՀԵ ԳՐԻԳՈՐՅԱՆՆ ԸՆԴՈՒՆԵԼ Է ՀԱՐԱՎԱՖՐԻԿՅԱՆ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐԱԿԱՆ ԴԱՏԱՐԱՆԻ ՊԱՇՏՈՆԱԹՈՂ ԴԱՏԱՎՈՐ, ԻՐԱՎԱՊԱՇՏՊԱՆ ԱԼԲԻ ԶԱՔՍԻՆ
2022 թվականի սեպտեմբերի 5-ին Սահմանադրական դատարանի դատավոր Վահե Գրիգորյանն ընդունել է Հարավաֆրիկյան Հանրապետության սահմանադրական դատարանի պաշտոնաթող դատավոր, ճանաչված իրավապաշտպան, գրող և հրապարակախոս Ալբի Զաքսին, որը մասնավոր այցով գտնվում էր Հայաստանի Հանրապետությունում:
Ողջունելով հյուրին՝ Վահե Գրիգորյանը շնորհակալություն է հայտնել Ալբի Զաքսին Բարձր դատարանի հանդեպ ցուցաբերված հետաքրքրության և այցելության համար` ընդգծելով նմանօրինակ անմիջական շփումների կարևորությունը սահմանադրական արդարադատության ոլորտում լավագույն փորձի փոխանակման համար: Նա նշել է, որ դատավոր Զաքսի՝ իր հայրենիքում ժողովրդավարության, մարդու ազատության և արժանապատվության համար մղած բեղուն, բայց վտանգավոր պայքարը, ինչպես նաև նրա դատական մեկնաբանությունները մարդու քաղաքական ազատությունների սահմանադրական դրույթների վերաբերյալ ներշնչանքի աղբյուր են եղել Հարավաֆրիկայն Հանրապետության սահմաններից դուրս շատ իրավապաշտպանների և դատավորների համար։ Իր հերթին դատավոր Զաքսը, շնորհակալություն հայտնելով ջերմ ընդունելության և բարձր գնահատականի համար, նշել է, որ մեծ պատիվ է գտնվել Հայաստանում և հյուրընկալվել Հանրապետության Բարձր դատարանում:
Հանդիպման ընթացքում դատավորներ Վահե Գրիգորյանն ու Ալբի Զաքսն անդրադարձել են սահմանադրական ժողովրդավարության պաշտպանության և իրավունքի գերակայության ապահովման ոլորտում արդի զարգացումներին և մարտահրավերներին, ինչպես նաև մտքեր են փոխանակել այս ոլորտում ազգային բարձր դատարանների և միջազգային կազմակերպությունների փոխգործակցությանը վերաբերող մի շարք հարցերի շուրջ:
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում:
Սահմանադրական դատարանի պաշտոնական կայքի վերազինումը հնարավոր է դարձել Ամերիկայի ժողովրդի աջակցությամբ՝ Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) ֆինանսավորմամբ իրականացվող՝ ԱՄՆ ՄԶԳ Հայաստանի Արդարադատության ոլորտի աջակցության ծրագրի շրջանակում: Կայքի բովանդակության պատասխանատուն ՀՀ Սահմանադրական դատարանն է: Կայքում տեղ գտած տեսակետները պարտադիր չէ, որ արտացոլեն ԱՄՆ Միջազգային զարգացման գործակալության կամ Ամերիկայի Միացյալ Նահանգների կառավարության տեսակետները: