ՍԱՀՄԱՆԱԴՐԱԿԱՆ ԴԱՏԱՐԱՆԻ ՆԱԽԱԳԱՀԸ ՄԱՍՆԱԿՑԵԼ Է ԱՄՆ ՄԶԳ-Ի ՆՈՐ ԻՐԱՎԱԿԱՆ ԾՐԱԳՐԻ ՄԵԿՆԱՐԿԻ ՄԻՋՈՑԱՌՄԱՆԸ
2022 թվականի դեկտեմբերի 14-ին Սահմանադրական դատարանի նախագահ Արման Դիլանյանը մասնակցել է ԱՄՆ Միջազգային զարգացման հայաստանյան գրասենյակի «Արդարադատության ոլորտի աջակցություն» ծրագրի մեկնարկի միջոցառմանը: Նոր հնգամյա իրավական ծրագիրը միտված է աջակցելու առավել անաչառ և անկախ արդարադատության համակարգի ձևավորմանը, ինչպես նաև բարձրացնելու իրավունքի գերակայության հանդեպ հանրային վստահության մակարդակը:
Իր ողջույնի խոսքում Արման Դիլանյանը նշել է, որ ԱՄՆ ՄԶԳ-ի կողմից իրականացվող դատաիրավական ծրագրերը մշտապես խթան են հանդիսացել Հայաստանում արդարադատական համակարգի կատարելագործման համար։ Բարձր դատարանի նախագահն ընդգծել է, որ ԱՄՆ Միջազգային զարգացման գործակալությունը մեր երկրի դատական համակարգի վստահելի ու առանցքային միջազգային գործընկերներից մեկն է, և հույս է հայտնել, որ նոր մեկնարկող ծրագիրը էական նշանակություն կունենա մեր երկրում դատական իշխանության անկախության երաշխավորման, արդի թվային լուծումներով հագեցած էլեկտրոնային արդարադատության մատուցման, գործընկեր դատավորների մասնագիտական կարողությունների զարգացման, երկրում իրավագիտակցության, իրավական կրթության ու սահմանադրական մշակույթի ամրապնդման համար։
Ծրագրի պաշտոնական բացման միջոցառմանը մասնակցել են ԱՄՆ ՄԶԳ հայաստանյան առաքելության տնօրեն Ջոն Ալելոն, Բարձրագույն դատական խորհրդի անդամները, դատական իշխանության ներկայացուցիչներ, Արդարադատության նախարարի պարտականությունները կատարող Գրիգոր Մինասյանը, Արդարադատության ակադեմիայի ռեկտոր Սերգեյ Առաքելյանը, միջազգային կառույցների, քաղաքացիական հասարակության կազմակերպությունների և ԶԼՄ ներկայացուցիչներ։
Նորություններ
21 հունիսի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ԱՇԽԱՏԱԿԱՐԳԱՅԻՆ ՈՐՈՇՈՒՄ
21 հունիսի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆԻ ԱՇԽԱՏԱԿԱՐԳԱՅԻՆ ՈՐՈՇՈՒՄ
19 հունիսի 2024թ.
«ՀՀ ՍԱՀՄԱՆԱԴՐԱԿԱՆ ԴԱՏԱՐԱՆ. ՏԵՂԵԿԱԳԻՐ» ՊԱՐԲԵՐԱԿԱՆԻ 1(113) 2024 ՀԱՄԱՐԻ ԷԼԵԿՏՐՈՆԱՅԻՆ ՏԱՐԲԵՐԱԿԸ
4 հունիսի 2024թ.
ԵՐՎԱՆԴ ԽՈՒՆԴԿԱՐՅԱՆԸ ՄԱՍՆԱԿՑԵԼ Է ԵՎՐՈՊԱԿԱՆ ՍԱՀՄԱՆԱԴՐԱԿԱՆ ԴԱՏԱՐԱՆՆԵՐԻ ՎԵՀԱԺՈՂՈՎԻ XIX ՀԱՄԱԳՈՒՄԱՐԻՆ
3 հունիսի 2024թ.
ՍԱՀՄԱՆԱԴՐԱԿԱՆ ԴԱՏԱՐԱՆՈՒՄ ՀՅՈՒՐԸՆԿԱԼՎԵԼ ԵՆ ԵՐԵՎԱՆԻ ԱՎԱԳ ԵՎ ՀԻՄՆԱԿԱՆ ԴՊՐՈՑՆԵՐԻ ԱՇԱԿԵՐՏՆԵՐԸ
Հայաստանի Հանրապետության սահմանադրական դատարանի վեբկայքն ստեղծվել է Եվրոպական միության և Եվրոպայի խորհրդի կողմից՝ Գործընկերություն հանուն լավ կառավարման (ԳԼԿ II) ծրագրային ձևաչափի շրջանակներում ֆինանսավորվող և Եվրոպայի խորհրդի կողմից իրականացվող «Աջակցություն դատական բարեփոխումների իրականացմանը` Հայաստանում դատական իշխանության անկախության և արհեստավարժության ամրապնդումը» ծրագրի շրջանակներում: Հայաստանի Հանրապետության սահմանադրական դատարանի վեբկայքում ներկայացված տեսակետները որևէ պարագայում չեն կարող համարվել Եվրոպական միության և/կամ Եվրոպայի խորհրդի պաշտոնական տեսակետի արտահայտում:
Սահմանադրական դատարանի պաշտոնական կայքի վերազինումը հնարավոր է դարձել Ամերիկայի ժողովրդի աջակցությամբ՝ Ամերիկայի Միացյալ Նահանգների Միջազգային զարգացման գործակալության (ԱՄՆ ՄԶԳ) ֆինանսավորմամբ իրականացվող՝ ԱՄՆ ՄԶԳ Հայաստանի Արդարադատության ոլորտի աջակցության ծրագրի շրջանակում: Կայքի բովանդակության պատասխանատուն ՀՀ Սահմանադրական դատարանն է: Կայքում տեղ գտած տեսակետները պարտադիր չէ, որ արտացոլեն ԱՄՆ Միջազգային զարգացման գործակալության կամ Ամերիկայի Միացյալ Նահանգների կառավարության տեսակետները: